ទាំងអស់នេះគឺជា រមណីយដ្ឋានធម្មជាតិ ៥ កន្លែងព័ទ្ធជុំវិញរាជធានីភ្នំពេញល្បីថា មនុស្សទៅលេងរាល់សប្ដាហ៍
1/ រមណីយដ្ឋានកៀនស្វាយ
រមណីយដ្ឋានកៀនស្វាយ ជាតំបន់ទេសចរណ៍ធម្មជាតិលើទឹក ដ៏ស្រស់ត្រកាល មានខ្ចុសតូចៗសង់ប្របនឹងមាត់ទឹក ទុកសម្រាប់ភ្ញៀវទេសចរ សម្រាកយ៉ាងត្រជាក់ ត្រឈឹងត្រឈៃ។ អ្នកភ្នំពេញ តែងតែនាំគ្នាទៅលម្ហែកាយ ជិះទូកលេង យ៉ាងច្រើនកុះករនៅថ្ងៃចុងសប្ដាហ៍ ព្រោះទីនោះភ្ញៀវទៅលេងអាចរកទិញ ម្ហូបធម្មជាតិ មានមាន់អាំង ត្រីអាំង ជ្រក់ ផ្អក ម៉ាំ និង ផ្លែឈើស្រស់ជាច្រើនទៀត ក្នុងតម្លៃសមរម្យ នៅក្នុងផ្សារកៀនស្វាយនោះតែម្ដង។
2/ កោះដាច់
ទេសភាពដ៏ត្រកាល ក្រោមផ្ទៃមេឃពណ៌ខៀវស្រងាត់ ពន្លឺភ្លឺភ្លែតៗបាញ់ចេញមកពីផ្ទៃទន្លេដ៏ថ្លាឆ្វង់ លម្អដោយខ្សាច់សស្គុស ទាំងអស់នេះ ជាទិដ្ឋភាពដ៏ស្រស់ត្រកាលនៃរមណីយដ្ឋានកោះដាច់។ ស្ថិតនៅមិនឆ្ងាយប៉ុន្មានពីរាជធានីភ្នំពេញ កោះដាច់ ជារមណីយដ្ឋានធម្មជាតិ ទាក់ទាញភ្ញៀវទេសចរឲ្យមកកម្សាន្តជាហូរហែ ជាពិសេសនារដូវប្រាំង ខែទឹកស្រកនេះតែម្ដង។ ក្រៅពីសម្រស់ធម្មជាតិចម្រុះទាំងនោះ អ្នកទៅលេងកោះដាច់ ក៏អាចញ៉ាំអាហារឆ្ងាញ់ៗ និង ចុះហែលទឹកលេងទៀតផង។
3/ភ្នំឧត្ដុង្គ
រមណីយដ្ឋានប្រវត្តិសាស្ត្រ ភ្នំឧត្ដុង្គ មានចម្ងាយប្រហែល ៤០ គីឡូម៉ែត្រ ស្ថិតនៅភាគពាយព្យរាជធានីភ្នំពេញ ប្រិយមិត្តអាចធ្វើដំណើរតាមផ្លូវជាតិលេខ៥។ នៅទីនោះលោកអ្នកអាច ឡើងទៅគយគន់មើលទេសភាពវាលស្រែដ៏ស្រស់ត្រកាល ពីលើកំពូលភ្នំ។ ពេលទៅដល់ទីនោះកុំភ្លេចកុម្ម៉ង់មាន់ដុតញ៉ាំណា៎ ព្រោះនៅជើងភ្នំកន្លែងលក់ម្ហូបអាហារញ៉ាំ ឮល្បីថាមាន់ដុតឆ្ងាញ់ណាស់។
4/សួនទឹកសន្តិភាព
សួនទឹកសន្តិភាព អាចជាជម្រើសដ៏ល្អ សម្រាប់ប្រិយមិត្តដែលចង់ទៅលម្ហែកាយ និង ងូតទឹកលេង ជាលក្ខណៈគ្រួសារ ឬជាមួយមិត្តភ័ក្ដិ និង មនុស្សជាទីស្រលាញ់។ ទៅលេងនៅ សួនទឹកសន្តិភាព កុំភ្លេចត្រៀមខោអាវងូតទឹកទៅផងណា៎ ព្រោះថា បើចង់ទៅលេងនៅទីនោះ ប្រិយមិត្តគួរតែងូតទឹកលេង ទើបសប្បាយ។ ប្រិយមិត្តអាចធ្វើដំណើរទៅលេង សួនទឹកសន្តិភាព តាមផ្លូវជាតិលេខ១ ជិតដល់ផ្សារព្រែកឯង ក្រឡេកមើលខាងស្ដាំដៃ នឹងឃើញក្លោងទ្វា រួចជិះចូលក្នុងប្រហែល ២ គីឡូម៉ែត្រទៀតដល់ហើយ។
5/ ភូមិត្នោត
នៅមិនឆ្ងាយប៉ុន្មានពីរាជធានីភ្នំពេញ "ភូមិត្នោត" ជារមណីយដ្ឋានធម្មជាតិថ្មី មានដើមត្នោត ព័ទ្ធជុំវិញ អមដោយទេសភាពវាលស្រែ ពណ៌បៃតងខៀវស្រងាត់។ រមណីយដ្ឋានជនបទមួយកន្លែងនេះ ក៏មានអាងហែលទឹក សម្រាប់កុមារតូចៗលេង និង ម្ហូបស្រែឆ្ងាញ់ៗទៀតផង។ ភូមិត្នោត ស្ថិតនៅភាគខាងត្បូងរាជធានីភ្នំពេញ ប្រមាណ ២៥ គីឡូម៉ែត្រ នៅម្ដុំសៀមរាបកន្ទួត ខេត្តកណ្ដាលប្រិយមិត្តអាចធ្វើដំណើរទៅលេងបាន តាមផ្លូវជាតិលេខ២៕
សូមអគុណ សំរាប់ការចូលមើលរាល់ពត័មានទាំងអស់របស់ គេហទំព័រយើងខ្ញុំបាទ។
រមណីយដ្ឋានកៀនស្វាយ ជាតំបន់ទេសចរណ៍ធម្មជាតិលើទឹក ដ៏ស្រស់ត្រកាល មានខ្ចុសតូចៗសង់ប្របនឹងមាត់ទឹក ទុកសម្រាប់ភ្ញៀវទេសចរ សម្រាកយ៉ាងត្រជាក់ ត្រឈឹងត្រឈៃ។ អ្នកភ្នំពេញ តែងតែនាំគ្នាទៅលម្ហែកាយ ជិះទូកលេង យ៉ាងច្រើនកុះករនៅថ្ងៃចុងសប្ដាហ៍ ព្រោះទីនោះភ្ញៀវទៅលេងអាចរកទិញ ម្ហូបធម្មជាតិ មានមាន់អាំង ត្រីអាំង ជ្រក់ ផ្អក ម៉ាំ និង ផ្លែឈើស្រស់ជាច្រើនទៀត ក្នុងតម្លៃសមរម្យ នៅក្នុងផ្សារកៀនស្វាយនោះតែម្ដង។
2/ កោះដាច់
ទេសភាពដ៏ត្រកាល ក្រោមផ្ទៃមេឃពណ៌ខៀវស្រងាត់ ពន្លឺភ្លឺភ្លែតៗបាញ់ចេញមកពីផ្ទៃទន្លេដ៏ថ្លាឆ្វង់ លម្អដោយខ្សាច់សស្គុស ទាំងអស់នេះ ជាទិដ្ឋភាពដ៏ស្រស់ត្រកាលនៃរមណីយដ្ឋានកោះដាច់។ ស្ថិតនៅមិនឆ្ងាយប៉ុន្មានពីរាជធានីភ្នំពេញ កោះដាច់ ជារមណីយដ្ឋានធម្មជាតិ ទាក់ទាញភ្ញៀវទេសចរឲ្យមកកម្សាន្តជាហូរហែ ជាពិសេសនារដូវប្រាំង ខែទឹកស្រកនេះតែម្ដង។ ក្រៅពីសម្រស់ធម្មជាតិចម្រុះទាំងនោះ អ្នកទៅលេងកោះដាច់ ក៏អាចញ៉ាំអាហារឆ្ងាញ់ៗ និង ចុះហែលទឹកលេងទៀតផង។
3/ភ្នំឧត្ដុង្គ
រមណីយដ្ឋានប្រវត្តិសាស្ត្រ ភ្នំឧត្ដុង្គ មានចម្ងាយប្រហែល ៤០ គីឡូម៉ែត្រ ស្ថិតនៅភាគពាយព្យរាជធានីភ្នំពេញ ប្រិយមិត្តអាចធ្វើដំណើរតាមផ្លូវជាតិលេខ៥។ នៅទីនោះលោកអ្នកអាច ឡើងទៅគយគន់មើលទេសភាពវាលស្រែដ៏ស្រស់ត្រកាល ពីលើកំពូលភ្នំ។ ពេលទៅដល់ទីនោះកុំភ្លេចកុម្ម៉ង់មាន់ដុតញ៉ាំណា៎ ព្រោះនៅជើងភ្នំកន្លែងលក់ម្ហូបអាហារញ៉ាំ ឮល្បីថាមាន់ដុតឆ្ងាញ់ណាស់។
4/សួនទឹកសន្តិភាព
សួនទឹកសន្តិភាព អាចជាជម្រើសដ៏ល្អ សម្រាប់ប្រិយមិត្តដែលចង់ទៅលម្ហែកាយ និង ងូតទឹកលេង ជាលក្ខណៈគ្រួសារ ឬជាមួយមិត្តភ័ក្ដិ និង មនុស្សជាទីស្រលាញ់។ ទៅលេងនៅ សួនទឹកសន្តិភាព កុំភ្លេចត្រៀមខោអាវងូតទឹកទៅផងណា៎ ព្រោះថា បើចង់ទៅលេងនៅទីនោះ ប្រិយមិត្តគួរតែងូតទឹកលេង ទើបសប្បាយ។ ប្រិយមិត្តអាចធ្វើដំណើរទៅលេង សួនទឹកសន្តិភាព តាមផ្លូវជាតិលេខ១ ជិតដល់ផ្សារព្រែកឯង ក្រឡេកមើលខាងស្ដាំដៃ នឹងឃើញក្លោងទ្វា រួចជិះចូលក្នុងប្រហែល ២ គីឡូម៉ែត្រទៀតដល់ហើយ។
5/ ភូមិត្នោត
នៅមិនឆ្ងាយប៉ុន្មានពីរាជធានីភ្នំពេញ "ភូមិត្នោត" ជារមណីយដ្ឋានធម្មជាតិថ្មី មានដើមត្នោត ព័ទ្ធជុំវិញ អមដោយទេសភាពវាលស្រែ ពណ៌បៃតងខៀវស្រងាត់។ រមណីយដ្ឋានជនបទមួយកន្លែងនេះ ក៏មានអាងហែលទឹក សម្រាប់កុមារតូចៗលេង និង ម្ហូបស្រែឆ្ងាញ់ៗទៀតផង។ ភូមិត្នោត ស្ថិតនៅភាគខាងត្បូងរាជធានីភ្នំពេញ ប្រមាណ ២៥ គីឡូម៉ែត្រ នៅម្ដុំសៀមរាបកន្ទួត ខេត្តកណ្ដាលប្រិយមិត្តអាចធ្វើដំណើរទៅលេងបាន តាមផ្លូវជាតិលេខ២៕
សូមអគុណ សំរាប់ការចូលមើលរាល់ពត័មានទាំងអស់របស់ គេហទំព័រយើងខ្ញុំបាទ។
ទាំងអស់នេះគឺជា រមណីយដ្ឋានធម្មជាតិ ៥ កន្លែងព័ទ្ធជុំវិញរាជធានីភ្នំពេញល្បីថា មនុស្សទៅលេងរាល់សប្ដាហ៍
Reviewed by Unknown
on
4:12 AM
Rating:
Reviewed by Unknown
on
4:12 AM
Rating:
No comments: