អីយ៉ា មើលផ្ទះថ្មី នី រតនា សង់ជូនអ្នកមានគុណ ដឹងថាចំណាយអស់ប៉ុន្មានទេ?

កាលពីពេលថ្មីៗកន្លងទៅនេះ នី រតនា បានឡើងគេហដ្ឋានថ្មី សង់ជូនអ្នកមានគុណនៅខេត្តកំពង់ធំ ក្នុងនោះចំណាយថវិកាអស់ ជាង៣ម៉ឺនដុល្លារក្នុងការសាងសង់។ នី រតនា ប្រាប់មកកាន់ Sabay ។
តារាចម្រៀងមកពីទឹកដីខេត្តកំពង់ធំបានថ្លែងថា៖ "បាទបងខ្ញុំបានធ្វើពិធីឡើងផ្ទះថ្មីកាលពីថ្ងៃទី ១១ ខែ វិច្ឆិកា ឆ្នាំ ២០១៦ ផ្ទះថ្មីនេះគឺខ្ញុំធ្វើជូនប៉ាម៉ាក់ខ្ញុំបង ដោយចំណាយទឹកប្រាក់ក្នុងការសាងសង់អស់ជាង ៣ម៉ឺនដុល្លារបង ប្រាក់ក្នុងការសាងសង់គឺជាកំលាំងញើសឈាមរបស់ខ្ញុំទាំងអស់បង"។
ម្ចាស់បទ"ចាញ់បោកហ្វេសប៊ុក" បានបន្ថែមថា ទាក់ទងនឹងផ្ទះថ្មីនេះដែរមុនដំបូងឡើយប៉ាម៉ាក់ របស់លោកបានធ្វើម្តងហើយតែអត់ទាន់រួច ដោយចំណាយថវិការអស់ជាង៣ម៉ឺនដុល្លារហើយមើលទៅអត់ឃើញស្អាតលោកក៏ យកផ្ទះហ្នឹងមកធ្វើបន្ថែមទៀត ដោយរៀបចំរបង និងចាក់ដីបំពេញបន្ថែម ដើម្បីមើលទៅឲ្យឃើញស្អាតដោយចំណាយថវិកាអស់ ៣ ម៉ឺនដុល្លារពីលើហ្នឹងបន្ថែមទៀត។ ដូច្នេះសរុបទាំងមុននឹងក្រោយ រតនា ថាអស់ជាង ៦ ម៉ឺនដុល្លារ "៕