មួយឈុតនេះ របស់ Pancake ធ្វើឱ្យអ្នកគ្រប់គ្នា ព្រឺរោម ព្រោះមើលទៅដូចជាចេញសាច់ពិតៗ!

ថៃ៖ នាង Pancake Khemanit ត្រូវបានគេស្គាល់ថា ជាតារាស្រីថៃមួយដួង ដ៏ល្បីល្បាញហើយក៏ជាអាយដល នៅក្នុងបេះដូងអ្នកគាំទ្រជាច្រើន ព្រោះតែនាងមានសម្រស់ស្រស់ស្អាត បូកផ្សំជាមួយនឹងកាយវិការលេងសើច ក្រមិចក្រមើម គួរឱ្យស្រលាញ់របស់នាង។
តារាស្រីរូបនេះ មានសមត្ថភាពពិសេសៗជាច្រើនយ៉ាង មិនថាជាការសម្តែងរឿង ការដើរបង្ហាញម៉ូត ឬក៏ច្រៀងចម្រៀងនោះទេ គឺនាងសុទ្ធតែអាចធ្វើបានយ៉ាងល្អ និងទទួលបានការពេញចិត្ត យ៉ាងច្រើន លើសលប់ពីសំណាក់មហាជនទូទៅ ទើបសព្វថ្ងៃនាងបានក្លាយជា តារាលំដាប់ជួរមុខមួយដួង។
កាលពីថ្ងៃទី១៤វិច្ឆិកា កន្លងទៅថ្មីៗនេះ នាង Pancake បានជិះយន្តហោះឆ្លងប្រទេសទៅថតបង្ហាញម៉ូតពិសេសមួយនៅក្នុងប្រទេសជប៉ុន។ តាមរយៈការថតបង្ហាញម៉ូត ឡូយៗ និងគួរឱ្យស្រលាញ់របស់នាង ត្រូវគេសង្កេតឃើញមានឈុតស៊ិចស៊ីមួយឈុតដែលនាងបានស្លៀកហើយ តែមើលទៅដូចជាចេញសាច់ពិតៗ ធ្វើឱ្យអ្នកដែលបានឃើញហើយ ព្រឺរោម ព្រោះនឹកស្មានថា នាង Pancake មិនពាក់អាវពីខាងក្នុងផង។
ក្នុងឈុតសម្លៀកបំពាក់របស់នាង ថតបង្ហាញម៉ូតនាលើកនេះ មានមនុស្សជាច្រើនបានមានការស្លុតអារម្មណ៍ និងសង្ស័យពេលបានឃើញដំបូងៗ ដោយនឹកស្មានថា នាង Pancake ស្លៀកតែឈុតផ្កាពណ៌ស តែពីខាងក្រៅ ធ្វើឱ្យចេញសាច់ក្នុងមកទាំងអស់ ប៉ុន្តែការពិតវិញមិនដូចនេះទេ គឺឈុតរបស់នាងមានពណ៌សាច់នៅខាងក្នុង ទើបធ្វើឱ្យអ្នកដែលបានឃើញ ស្មាននាងលេងខ្លួនស៊ិចស៊ីជ្រុល៕
ចង់ដឹងថាឈុត Pancake យ៉ាងណាដែរ? តោះទៅទស្សនាទាំងអស់គ្នាបន្តិចទៅមើល៖