អង់គ្លេស ព្រមានឲ្យប្រយ័ត្នចំពោះ កំពូលរថក្រោះថ្មី របស់រុស្ស៊ី

អង់គ្លេស ព្រមានឲ្យប្រយ័ត្នចំពោះ កំពូលរថក្រោះថ្មី របស់រុស្ស៊ី
មន្ត្រីស៊ើបការណ៏សម្ងាត់របស់យោធាអង់គ្លេស បានចេញការព្រមានឲ្យប្រុងប្រយ័ត្នចំពោះ ” កំពូលរថក្រោះថ្មីរបស់រុស្ស៊ី ដែលខ្លួនអះអាងថា ទំនើបនិងគ្រោះថ្នាក់ខ្លាំង បើធៀបជាមួយរថក្រោះដែលអង្គការណាតូមាន នេះបើយោងតាមគេហកទំព័រម៉េលអនឡាញ ចុះផ្សាយកាលពីពេលថ្មីៗកន្លងទៅនេះ ។
ឯកសារសម្ងាត់នោះអះអាងថា រថក្រោះប្រយុទ្ធដ៏សំខាន់ធុន Challenger II របស់ប្រទេសអង់គ្លេសអាចនឹងចាញ់កំពូលរថក្រោះប្រយុទ្ធថ្មីធុន Armata របស់វិមានក្រឹមឡាំង (រុស្ស៊ី) ដោយសារតែ Armata មានល្បឿនលឿនជាង មានទម្ងន់ស្រាលជាង និងមានកម្ពស់ទាបជាង ។
ក្រុមមន្ត្រីយោធាអង់គ្លេសជឿថា រថក្រោះថ្មីរបស់ប្រទេសរុស្ស៊ី ខាងលើនេះ គឺជាកំពូលរថក្រោះដ៏អស្ចារ្យហើយបានបន្ទោសរដ្ឋាភិបាលរបស់ខ្លួនដែលមិនធ្វើការឆ្លើយតបឲ្យបានសមស្រប ។
តាមសេចក្តីរាយការណ៏ថា រថក្រោះថ្មីនេះ ត្រូវបានរចនាឡើងយ៉ាងពិសេសដើម្បីការពារអ្នកបញ្ជាវា នៅក្នុងសមរភូមិ ៕