ជួន ណារិន្ទ ៖ អ្នកឯងត្រូវរ៉ូវគ្នា ទោះជាគ្មានពាក្យបណ្តឹងក៏ដោយ សមត្ថកិច្ចអនុវត្តតាមបទល្មើសព្រហ្មទណ្ឌ
ខេត្តព្រះសីហនុ ៖ លោកឧត្តមសេនីយ៍ទោ ជួន ណារិន្ទ ស្នងការនគបាលខេត្តព្រះសីហនុ បានមានប្រសាសន៍ប្រាប់កោះសន្តិភាពនៅវេលាម៉ោងជាង១១ព្រឹកថ្ងៃទី១៦ វិច្ឆិកា ២០១៦នេះថា សមត្ថកិច្ចនគរបាលខេត្តព្រះសីហនុបានធ្វើការឃាត់ខ្លួនលោក គៀង ហេង រួមជាមួយនាង ពេជ្រ អាវីហ្សា នាំទៅកាន់ស្នងការដ្ឋាននគរបាលខេត្ត រួចហើយដើម្បីធ្វើការសាកសួរ ។
ពាក់ព័ន្ធបទល្មើសព្រហ្មទណ្ឌលោកស្នងការបន្តថា ការឃាត់ខ្លួនគូស្នេហ៍មួយគូនេះ ធ្វើឡើងនៅផ្ទះសំណាក់មួយក្នុងសង្កាត់លេខ៤ ក្រុងព្រះសីហនុ ដែលពួកគេបានមកជួលដេកស្នាក់នៅជាមួយគ្នាទាំងពីរនាក់ ។ ពេលនេះពួកគេត្រូវបានចូលមកដល់ស្នងការដ្ឋានហើយ ដែលមានស្នងការរងម្នាក់ទទួលការងារព្រហ្មទណ្ឌកំពុងសាកសួរតាម នីតិវិធី ។ លោកស្នងការថ្លែងថា ទោះជាគ្មានពាក្យបណ្តឹងក៏ដោយ ជារឿងព្រហ្មទណ្ឌ សមត្ថកិច្ចមិនសម្ងំស្ងៀមទេ តែវិធានការស្រាវជ្រាវ និងជំនាញរបស់យើងធ្វើតាមនីតិវិធីជំនាញ មិនអាចធ្វើឡើងក្តុងក្តាំងដូចសារព័ត៌មានទេ យើងប្រមូលអ្វីដែលកើតឡើង គឺមានហេតុផលត្រឹមត្រូវតាមច្បាប់ ។
លោកស្នងការបន្តថា រឿងនេះសារព័ត៌មាន រួមទាំងសង្គមសារអេឡិចត្រូនិក(ហ្វេសប៊ុក)បានផ្សព្វផ្សាយពេញ ពិភពលោកទៅហើយថា តួអង្គខាងប្រុស បានប្រើអំពើហិង្សាទៅលើតួអង្គខាងស្រី ដូច្នេះច្បាប់បានកំណត់ហើយថា កាលណាបើជនណាម្នាក់ បានប្រើអំពើហិង្សាទៅលើជនម្នាក់ទៀតបង្កឲ្យមានរបួសស្នាម ជននោះពិតជាបានប្រព្រឹត្តដោយចេតនាលើបទល្មើសព្រហ្មទណ្ឌ ។ បទល្មើសព្រហ្មទណ្ឌបើទោះបីជាគ្មានពាក្យបណ្តឹងរបស់ជនរងគ្រោះក៏ដោយ សមត្ថកិច្ចអនុវត្តតាមបទល្មើសព្រហ្មទណ្ឌ ហើយរឿងដោះស្រាយក្រៅប្រព័ន្ធ ក្នុងប្រព័ន្ធ លើច្បាប់ទុកឲ្យព្រះរាជអាជ្ញាធ្វើការ យើងអនុវត្តតាមផ្លូវច្បាប់ ។ លោកស្នងការបញ្ជាក់ប្រាប់កោះសន្តិភាពយ៉ាងម៉ឺងម៉ាត់ថា យើងបញ្ជូនទៅតុលាការល្ងាចនេះ (ល្ងាចថ្ងៃទី១៦ វិច្ឆិកា) មិនទុកឲ្យឈឺក្បាលទៀតទេ ។
- ព័ត៌មានចុងក្រោយ
ជួន ណារិន្ទ ៖ អ្នកឯងត្រូវរ៉ូវគ្នា ទោះជាគ្មានពាក្យបណ្តឹងក៏ដោយ សមត្ថកិច្ចអនុវត្តតាមបទល្មើសព្រហ្មទណ្ឌ
Reviewed by Unknown
on
7:53 PM
Rating:
Reviewed by Unknown
on
7:53 PM
Rating:
No comments: