ចៅស្រីលោក ដូណាល់ ត្រាំ សូត្រកំណាព្យភាសាចិន បានយ៉ាងពិរោះ កំពុងទទួលបានការចាប់អារម្មណ៍ខ្លាំង ក្នងបណ្តាញសង្គម (មានវីដេអូ)

ចិន៖ ចៅស្រីដ៏គួរឲ្យស្រលាញ់ របស់ប្រធានាធិបតីជាប់ឆ្នោតលោក ដូណាល់ ត្រាំ នាពេលថ្មីៗនេះ កំពុងទទួលការចាប់អារម្មណ៍ខ្លាំងនៅក្នុងបណ្តាញសង្គម ជាមួយនឹងវីដេអូរបស់នាង សូត្រកំណាព្យជាភាសាចិនកុកងឺបានយ៉ាងរលូន។
កាលពីថ្ងៃទី១៥ ខែវិច្ឆិកា ២០១៦ សារព័ត៌មាន Dailymail បានផ្សាយឲ្យដឹងថា វីដេអូសូត្រកំណាព្យជាភាសាចិនកុកងឺ របស់ចៅស្រីលោក ដូណាល់ ត្រាំ ដែលមានឈ្មោះ Arabella Kushner កំពុងតែល្បីខ្លាំងនៅក្នុងបណ្តញសង្គម និងធ្វើឲ្យមហាជនជាច្រើនធ្វើការកោតសរសើរ។
វីដេអូមួយនេះថតឡើងតាំងពីអំឡុងខែកុម្ភៈ រដូវចូលឆ្នាំចិនមកម្ល៉េះ ប៉ុន្តែត្រូវមហាជនគាស់កកាយឡើងវិញ បន្ទាប់លោក ត្រាំ ឈ្នះឆ្នោត ទើបធ្វើឲ្យវីដេអូនេះ ទទួលបានការចាប់អារម្មណ៍ខ្លាំងយ៉ាងដូច្នេះ។

ក្មេងស្រី Arabella ជាមួយនឹងសម្លៀកបំពាក់ពណ៌ក្រហមប្រពៃណីចិន ចៅស្រី របស់ ដូណាល់ត្រាំ ដែលទើបតែមានអាយុ៥ឆ្នាំ រូបនេះ បានបញ្ចេញសូរសៀងកំណាព្យដ៏ពិរោះ និងការប្រកបពាក្យបានយ៉ាងល្អទៀតផង។
ស្របពេលជាមួយគ្នានេះដែរ ក៏មានមហាជនជាច្រើនបានបញ្ចេញមតិសរសើរថា «នាងគួរឲ្យស្រលាញ់ ហើយសូត្រកំណាព្យបានយ៉ាងល្អទៀត» ។ ចំនែកឯខ្លះទៀត ក៏បាននិយាយលក្ខណៈលេងសើចឌឺដងផងដែរថា «លោក ដូណាល់ ត្រាំ ចង់ផ្តាច់ជំនួញជាមួយចិន ដូច្នេះចៅស្រីរបស់លោកក៏មិនចាំបាច់ និយាយភាសាចិនទៀតដែរ» ៕
ចុះប្រិយមិត្តវិញយល់យ៉ាងណាដែរ ចំពោះកំណាព្យដែលសូត្រដោយ ចៅស្រី ដូណាល់ ត្រាំ?